Government
Espectacular o especial no New York Times sobre os discursos de investidura de todos os presidentes estadounidenses da historia, caracterizados por nubes que recollen as palabras máis repetidas. Isto si que é xornalismo 2.0 de verdade! Government foi o termo máis usado en 16 tomas de posesión, seguido de Nation con 12, People con 7 e World e Country, que empatan a 4. George W. Bush en 2005 dixo Freedom 15 veces: quizais se lle rompeu de tanto usala. War foi a palabra máis repetida por James Madison en 1813 e por Abraham Lincoln en 1865, e Peace só quedou como campioa no discurso de Franklin D. Roosevelt de 1945.
